PASQUA di Salvatore Vicari

Iu, a-Ttia
nunn´è o-spissu ca Ti ciercu
e mma-ccrìrri mi ni lori
ma u stissu
se Ti viru ti canùsciu
unu, umanu ri vicinu
puviriedhu malatu carzaratu
pillirinu sthrati sthrati
rè e-mmischinu
auciddhuzzu supr´â rrama nto so niru
e-ppasturi
r´agniddhuzzi – spiersi – a-ccòmu i ciama
a so mathri a-mmienzu ê spini…ciusi ciusi

E-tthrinu, criru
ddivinu ri luntanu
siminaturi r´immenzu
a To manu stenni l´ali
râ palumma rô tiempu com´abbola
e gghiè u vientu ca sièntu
ca mi sciùscia
ppi-mmia sciamma ri vita…l´arma
sangu – nto càlici rô vinu
carni – nta-ll´òstia rô pani …bbiniritta.

E ri quannu ppi-mmia…
ppi-nnui gghiènti…mannatu
ri Fìgghiu, marturiatu `n cruci
a-llavàri u piccatu
pigghiàti ri timuri e ri passioni
se â sira amaru
u suonnu nnuccenti nta-ll´ura è ccomu mòrri-ri
ô-nnumani scinni
r´aggnunu râ so cruci – com´a-Ttia – e rrinasci
pinitenti e a la Luci si ni torna
cciù aruci – com´a Ttia – ô latu rittu rô Patri
cantannu paci e cianciennu Pasqua ri Risurrezioni.